La guerre de Troie
Mythes
Jugement
de Pâris
Ecrivez-nous
Recherchez
Copyright
Aspirateurs
Pâris dans le Roman de Troie en prose de Benoît de Sainte-Maure
Mais oiez ce que Paris respondi.
50. Si com Paris parla de son songe.
« Seignours, dist Paris, tout ce que l'en dist entor ceste chose n'est rien, quar nos somes si riche gent et si garnis de chevaliers et de richeces que por noient douteroit l'en rien. Mes de tout le conseil ce soit la some que nos porchaçons de requerre nostre venjance sus les Grisois, quar il ne nous en peut maux avenir. Et je croi bien que les dieus veulent nostre honour, et dirai vos coment. Il avint chose que je chaçoie l'autre jour un cerf, si avoie perdu tous mes compaignons et mes chiens, et m'en vins sur une fontaine, si m'endormis ilecques. Adonc me fu avis que je vi Mercurion, et ill amena par-devant moi trois déesses, Jovis, Venus, Minerve, et me dist : « Paris, je t'amaine ces trois déesses por un jugement ; quar une pome d'or leur fu donee escrite en grizois toute entor, qui disoit que la pome seroit a la plus belle : dont il a entre elles grant discort, que chascune dit que por beauté l'a gaaignie. Dont je lor ai loé, et elles s'i acordent, que elles s'en tendront a ce que tu en diras ». Maintenant vint chascune devant moi priveement et maintenant m'offrirent a faire quant que seusse demander. Venus me prist et promist que se je li donoie la pome por la plus bêle, qu'ele me donroit la plus bêle et la plus noble feme de Grèce. Et je fis son plaisir : por quoi je croi bien que se je i vois en Grèce, que je leur forferai bien et vengerai nostre honte ».
Merci au professeur Francesco Chiappinelli, auteur de l'Impius Aeneas, de nous avoir fourni ce texte.